കെജിഎഫിനും കാന്താരയ്ക്കും ശേഷം കേരളത്തിൽ ഓളം സൃഷ്ടിച്ച ചിത്രമായിരുന്നു സു ഫ്രം സോ. ചിത്രം വമ്പൻ വിജയമാണ് തിയേറ്ററുകളിൽ നിന്നും സ്വന്തമാക്കിയത്. രാജ ബി ഷെട്ടി പ്രധാനവേഷത്തിൽ എത്തിയ ചിത്രം രചിച്ചു സംവിധാനം ചെയ്തിരിക്കുന്നത് ജെ പി തുമിനാട് ആണ്. അദ്ദേഹം തന്നെയാണ് ചിത്രത്തിൽ നായക വേഷം ചെയ്തിരിക്കുന്നതും. ഇപ്പോഴിതാ സിനിമയുടെ ഫൈനൽ ക്ലോസിങ് കളക്ഷനാണ് പുറത്തുവിടുന്നത്. ട്രാക്കര്‍മാരായ കര്‍ണാടക ടാക്കീസ് പുറത്തു വിട്ടിരിക്കുന്ന കണക്ക് അനുസരിച്ച് ചിത്രത്തിന്‍റെ ആഗോള ക്ലോസിംഗ് കളക്ഷന്‍ 124 കോടിയാണ്.
കർണാടകയിൽ നിന്നാണ് ചിത്രം ഏറ്റവും കൂടുതൽ കളക്ഷൻ നേടിയിരിക്കുന്നത്. 96 കോടിയാണ് കന്നഡ കളക്ഷൻ. ഇന്ത്യയിലെ മറ്റ് സംസ്ഥാനങ്ങളില്‍ നിന്ന് 12 കോടിയും വിദേശ മാര്‍ക്കറ്റുകളില്‍ നിന്ന് 16 കോടിയുമാണ് ചിത്രം നേടിയത്. ചിത്രത്തിന്‍റെ നിര്‍മ്മാണത്തിനായി 4.5 കോടിയാണ് ചെലവായതെന്നും പ്രൊമോഷനുവേണ്ടി മറ്റൊരു 1- 1.5 കോടി മുടക്കിയെന്നും നിര്‍മാതാക്കളില്‍ ഒരാളും നടനും സംവിധായകനുമായ രാജ് ബി ഷെട്ടി നേരത്തെ വ്യക്തമാക്കിയിരുന്നു. ഇത് വെച്ച് നോക്കുമ്പോൾ സിനിമ വമ്പൻ ലാഭമാണ് നേടിയിരിക്കുന്നത്.
ജൂലൈ 25 നായിരുന്നു സിനിമയുടെ റിലീസ്. കേരളത്തിലും വമ്പൻ ഓളമാണ് ചിത്രം സൃഷ്ടിച്ചത്. കന്നഡ ഭാഷയിൽ എത്തിയിരിക്കുന്ന സിനിമയെ ഒരു മലയാള ചിത്രമെന്ന പോലെയാണ് പ്രേക്ഷകർ ഹൃദയംകൊണ്ട് സ്വീകരിച്ചത്. ഷാനിൽ ഗൗതം, ദീപക് രാജ് പണാജെ, പ്രകാശ് തുമിനാട്, മൈം രാമദാസ്, സന്ധ്യ അരേകേരേ , രാജ് ബി ഷെട്ടി എന്നിവരും ചിത്രത്തിൽ കയ്യടി നേടുന്ന പ്രകടനം കാഴ്ച വെച്ചിരിക്കുന്നു. ദുൽഖർ സൽമാന്റെ വേഫറെർ ഫിലിംസ് ആണ് കേരളത്തിൽ വിതരണം ചെയ്തത്.
Content Highlights: Closing collection report of the movie Su from So